Ísherrann – Jennifer Niven þýð. Rúnar Helgi Vignisson
 

Árið 1913 stóð landkönnuðurinn Vilhjálmur Stefánsson fyrir metnaðarfullum leiðangri norður í Íshaf, 17. júní það ár lagði skipið Karluk upp frá Kanada. Sex vikum síðar var heimskautsveturinn skollinn á, skipið teppt í ís og leiðangursstjórinn á bak og burt.

Í fimm mánuði hraktist skipið um Norður-Íshafið áður en það brotnaði og sökk. Áhöfn og leiðangursmenn urðu þar með skipreika á ísnum um miðjan vetur og við tóku ótrúlegir hrakningar þar sem innsta eðli hvers og eins sýndi sig.

Með því að nýta sér dagbækur skipbrotsmannanna hefur Jennifer Niven tekist að endurskapa atburðarás þessa afdrifaríka leiðangurs og örvæntingarfullar tilraunir skipbrotsmanna til að komast heim úr auðnum norðursins. Þeir sem komust lífs af urðu aldrei samir. Þessi kynngimagnaða mannraunasaga lætur engan ósnortinn.

Útgefandi: PP forlag.

 
  Ritdómar
 

„Jafnvel þótt engar væru myndirnar væri sögunni óhætt því textinn er svo stórfínn að það er ekki annað hægt en að lifa sig inn í þessa mjög svo áhrifaríku sögu."

„Þýðing Rúnars Helga Vignissonar er smekkleg og á góðu máli."

Guðmundur J. Guðmundsson DV

 

 
 
 
 
 
 
 
GRÆNA HÚSIÐ · Hrísmóar 11 · 210 Garðabær · Netfang: graenahusid@graenahusid.is · Sími: 895 7538